സംസ്ഥാനത്ത് 1,420 പേർക്ക് കൂടി കോവിഡ് സ്ഥിരീകരിച്ചു; 1715 പേർ രോഗമുക്തി നേടി

post

സമ്പർക്കത്തിലൂടെ രോഗം 1216 പേർക്ക്; ചികിത്സയിലുള്ളത് 12,109 പേര്‍; ഇതുവരെ രോഗമുക്തി നേടിയവര്‍ 20,866; 13 പുതിയ ഹോട്ട് സ്‌പോട്ടുകള്‍; 21 പ്രദേശങ്ങളെ ഒഴിവാക്കി

കേരളത്തിൽ 1,420 പേർക്ക് കൂടി കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയൻ പറഞ്ഞു. തിരുവനന്തപുരം ജില്ലയിൽ നിന്നുള്ള 485 പേർക്കും, കോഴിക്കോട് ജില്ലയിൽ നിന്നുള്ള 173 പേർക്കും, ആലപ്പുഴ ജില്ലയിൽ നിന്നുള്ള 169 പേർക്കും, മലപ്പുറം ജില്ലയിൽ നിന്നുള്ള 114 പേർക്കും, എറണാകുളം ജില്ലയിൽ നിന്നുള്ള 101 പേർക്കും, കാസർഗോഡ് ജില്ലയിൽ നിന്നുള്ള 73 പേർക്കും, തൃശൂർ ജില്ലയിൽ നിന്നുള്ള 64 പേർക്കും, കണ്ണൂർ ജില്ലയിൽ നിന്നുള്ള 57 പേർക്കും, കൊല്ലം, ഇടുക്കി ജില്ലകളിൽ നിന്നുള്ള 41 പേർക്ക് വീതവും, പാലക്കാട് ജില്ലയിൽ നിന്നുള്ള 39 പേർക്കും, പത്തനംതിട്ട ജില്ലയിൽ നിന്നുള്ള 38 പേർക്കും, കോട്ടയം ജില്ലയിൽ നിന്നുള്ള 15 പേർക്കും, വയനാട് ജില്ലയിൽ നിന്നുള്ള 10 പേർക്കുമാണ് രോഗം സ്ഥിരീകരിച്ചത്.

ആഗസ്റ്റ് 3ന് മരണമടഞ്ഞ കാസർഗോഡ് ഉപ്പള സ്വദേശി വിനോദ്കുമാർ (41), ആഗസ്റ്റ് 4ന് മരണമടഞ്ഞ കോഴിക്കോട് വെള്ളികുളങ്ങര സ്വദേശിനി സുലേഖ (63), ആഗസ്റ്റ് 5ന് മരണമടഞ്ഞ കൊല്ലം സ്വദേശി ചെല്ലപ്പൻ (60), ആഗസ്റ്റ് 6ന് മരണമടഞ്ഞ എറണാകുളം ചേർത്തല സ്വദേശി പുരുഷോത്തമൻ (84) എന്നിവരുടെ പരിശോധനാഫലം കോവിഡ്-19 മൂലമാണെന്ന് എൻഐവി ആലപ്പുഴ സ്ഥിരീകരിച്ചു. ഇതോടെ ആകെ മരണം 106 ആയി. ഇത് കൂടാതെയുണ്ടായ മരണങ്ങൾ എൻഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.

രോഗം സ്ഥിരീകരിച്ചവരിൽ 60 പേർ വിദേശ രാജ്യങ്ങളിൽ നിന്നും 108 പേർ മറ്റ് സംസ്ഥാനങ്ങളിൽ നിന്നും വന്നതാണ്. 1216 പേർക്ക് സമ്പർക്കത്തിലൂടെയാണ് രോഗം ബാധിച്ചത്. അതിൽ 92 പേരുടെ സമ്പർക്ക ഉറവിടം വ്യക്തമല്ല. തിരുവനന്തപുരം ജില്ലയിലെ 468 പേർക്കും, കോഴിക്കോട് ജില്ലയിലെ 152 പേർക്കും, ആലപ്പുഴ ജില്ലയിലെ 135 പേർക്കും, മലപ്പുറം ജില്ലയിലെ 99 പേർക്കും, എറണാകുളം ജില്ലയിലെ 92 പേർക്കും, കാസർഗോഡ് ജില്ലയിലെ 67 പേർക്കും, തൃശൂർ ജില്ലയിലെ 51 പേർക്കും, കൊല്ലം ജില്ലയിലെ 37 പേർക്കും, ഇടുക്കി ജില്ലയിലെ 26 പേർക്കും, കണ്ണൂർ ജില്ലയിലെ 25 പേർക്കും, പാലക്കാട് ജില്ലയിലെ 23 പേർക്കും, പത്തനംതിട്ട ജില്ലയിലെ 21 പേർക്കും, കോട്ടയം ജില്ലയിലെ 12 പേർക്കും, വയനാട് ജില്ലയിലെ 8 പേർക്കുമാണ് സമ്പർക്കത്തിലൂടെ രോഗം ബാധിച്ചത്.

30 ആരോഗ്യ പ്രവർത്തകർക്കാണ് ശനിയാഴ്ച രോഗം ബാധിച്ചത്. കണ്ണൂർ ജില്ലയിലെ 9, തിരുവനന്തപുരം ജില്ലയിലെ 7, കാസർഗോഡ് ജില്ലയിലെ 4, ആലപ്പുഴ, കോഴിക്കോട് ജില്ലകളിലെ 3 വീതവും, എറണാകുളം ജില്ലയിലെ 2, പത്തനംതിട്ട, മലപ്പുറം ജില്ലകളിലെ ഒന്ന് വീതവും ആരോഗ്യ പ്രവർത്തകർക്കാണ് രോഗം സ്ഥിരീകരിച്ചത്. തൃശൂർ ജില്ലയിലെ 3 കെ.എസ്.ഇ. ജീവനക്കാർക്കും, കണ്ണൂർ ജില്ലയിലെ 2 ഡി.എസ്.സി. ജീവനക്കാർക്കും എറണാകുളം ജില്ലയിലെ ഒരു ഐഎൻഎച്ച്എസ് ജീവനക്കാരനും രോഗം ബാധിച്ചു.

രോഗം സ്ഥിരീകരിച്ച് ചികിത്സയിലായിരുന്ന 1715 പേരുടെ പരിശോധനാഫലം നെഗറ്റീവ് ആയി. തിരുവനന്തപുരം ജില്ലയിൽ നിന്നുള്ള 777 പേരുടെയും, മലപ്പുറം ജില്ലയിൽ നിന്നുള്ള 165 പേരുടെയും, കോഴിക്കോട് ജില്ലയിൽ നിന്നുള്ള 110 പേരുടെയും, ആലപ്പുഴ ജില്ലയിൽ നിന്നുള്ള 100 പേരുടെയും, കൊല്ലം ജില്ലയിൽ നിന്നുള്ള 91 പേരുടെയും, പത്തനംതിട്ട ജില്ലയിൽ നിന്നുള്ള 78 പേരുടെയും, തൃശൂർ ജില്ലയിൽ നിന്നുള്ള 72 പേരുടെയും, എറണാകുളം ജില്ലയിൽ നിന്നുള്ള 62 പേരുടെയും, കോട്ടയം ജില്ലയിൽ നിന്നുള്ള 60 പേരുടെയും, വയനാട് ജില്ലയിൽ നിന്നുള്ള 55 പേരുടെയും, കണ്ണൂർ ജില്ലയിൽ നിന്നുള്ള 47 പേരുടെയും, പാലക്കാട് ജില്ലയിൽ നിന്നുള്ള 46 പേരുടെയും, കാസർഗോഡ് ജില്ലയിൽ നിന്നുള്ള 33 പേരുടെയും, ഇടുക്കി ജില്ലയിൽ നിന്നുള്ള 19 പേരുടെയും പരിശോധനാഫലം ആണ് നെഗറ്റീവ് ആയത്. ഇതോടെ 12,109 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 20,866 പേർ ഇതുവരെ കോവിഡിൽ നിന്നും മുക്തി നേടി.

സംസ്ഥാനത്തെ വിവിധ ജില്ലകളിലായി 1,48,241 പേരാണ് നിരീക്ഷണത്തിലുള്ളത്. ഇതിൽ 1,36,307 പേർ വീട്/ഇൻസ്റ്റിറ്റിയൂഷണൽ ക്വാറന്റീനിലും 11,934 പേർ ആശുപത്രികളിലും നിരീക്ഷണത്തിലാണ്. 1665 പേരെയാണ് ആശുപത്രിയിൽ പ്രവേശിപ്പിച്ചത്.

കഴിഞ്ഞ 24 മണിക്കൂറിനിടെ 27,714 സാമ്പിളുകളാണ് പരിശോധിച്ചത്. റുട്ടീൻ സാമ്പിൾ, എയർപോർട്ട് സർവയിലൻസ്, പൂൾഡ് സെന്റിനൽ, സിബി നാറ്റ്, ട്രൂനാറ്റ്, സിഎൽഐഎ, ആന്റിജെൻ അസ്സെ എന്നിവ ഉൾപ്പെടെ ഇതുവരെ ആകെ 9,63,632 സാമ്പിളുകളാണ് പരിശോധനയ്ക്കായി അയച്ചത്. ഇതിൽ 6777 സാമ്പിളുകളുടെ പരിശോധനാ ഫലം വരാനുണ്ട്. സെന്റിനൽ സർവൈലൻസിന്റെ ഭാഗമായി ആരോഗ്യ പ്രവർത്തകർ, അതിഥി തൊഴിലാളികൾ, സാമൂഹിക സമ്പർക്കം കൂടുതലുള്ള വ്യക്തികൾ മുതലായ മുൻഗണനാ ഗ്രൂപ്പുകളിൽ നിന്ന് 1,36,336 സാമ്പിളുകൾ ശേഖരിച്ചതിൽ 1524 പേരുടെ ഫലം വരാനുണ്ട്.

13 പുതിയ ഹോട്ട് സ്പോട്ടുകളാണുള്ളത്. തൃശൂർ ജില്ലയിലെ ആളൂർ (കണ്ടൈൻമെന്റ് സോൺ വാർഡ് 1), നെൻമണിക്കര (4), പൂത്തൂർ (6), മണലൂർ (3), എറണാകുളം ജില്ലയിലെ പായിപ്ര (8), മുടക്കുഴ (8), കിഴക്കമ്പലം (7), ആയവന (4), പാലക്കാട് ജില്ലയിലെ പിരായിരി (16), പുതുപരിയാരം (6, 12), തച്ചപ്പാറ (10), തിരുവനന്തപുരം ജില്ലയിലെ കുറ്റിച്ചൽ (10, 11, 12, 14), വയനാട് ജില്ലയിലെ മാനന്തവാടി മുൻസിപ്പാലിറ്റി (8, 20, 22) എന്നിവയാണ് പുതിയ ഹോട്ട് സ്പോട്ടുകൾ.

21 പ്രദേശങ്ങളെ ഹോട്ട് സ്പോട്ടിൽ നിന്നും ഒഴിവാക്കി. പത്തനംതിട്ട ജില്ലയിലെ കൊറ്റങ്ങൽ (കണ്ടൈൻമെന്റ് സോൺ എല്ലാ വാർഡുകളും), കോന്നി (എല്ലാ വാർഡുകളും), പത്തനംതിട്ട മുൻസിപ്പാലിറ്റി (12, 22), കുളനട (13), ആറ•ുള (7, 8, 13), നെടുമ്പ്രം (3, 13), തൃശൂർ ജില്ലയിലെ എറിയാട് (10), പുത്തൻചിറ (6), എടവിലങ്ങ് (7), അടാട്ട് (14), കൊല്ലം ജില്ലയിലെ കരുനാഗപ്പള്ളി മുൻസിപ്പാലിറ്റി (23, 24, 29, 30, 33), കടക്കൽ (എല്ലാ വാർഡുകളും), വെട്ടിക്കവല (എല്ലാ വാർഡുകളും), എറണാകുളം ജില്ലയിലെ കാഞ്ഞൂർ (5), തിരുവാണിയൂർ (9), ആലപ്പുഴ ജില്ലയിലെ കോടംതുരുത്ത്    (4, 7, 9, 10, 12, 14), തുറവൂർ (9, 10, 11), പാലക്കാട് ജില്ലയിലെ നെൻമാറ (5), തിരുവനന്തപുരം ജില്ലയിലെ പള്ളിക്കൽ (5, 7, 8, 9, 10, 13), മലപ്പുറം ജില്ലയിലെ മമ്പാട് (2, 3, 11, 12,13), വയനാട് ജില്ലയിലെ തിരുനെല്ലി (15) എന്നീ പ്രദേശങ്ങളെയാണ് കണ്ടൈൻമെന്റ് സോണിൽ നിന്നും ഒഴിവാക്കിയത്. ഇതോടെ നിലവിൽ 498 ഹോട്ട് സ്‌പോട്ടുകളാണുള്ളത്.