ആന്റിബോഡി ടെസ്റ്റുകൾ വ്യാപകമാക്കും; ഐസിഎംആർ കൂടുതൽ കിറ്റുകൾ അനുവദിച്ചു

സംസ്ഥാനത്ത് ആന്റിബോഡി ടെസ്റ്റുകൾ വ്യാപകമായി ആരംഭിക്കുകയാണെന്ന് മുഖ്യമന്ത്രി പിണറായി വിജയൻ. ഒരാഴ്ച 15000 വരെ ആന്റിബോഡി നടത്താനാണ് ഉദ്ദേശിക്കുന്നത്. സമൂഹ വ്യാപനം ഉണ്ടോ എന്നു നിരീക്ഷിക്കാനാണിത്. ആന്റിബോഡി ടെസ്റ്റ് പോസിറ്റീവ് ആയാൽ പിസിആർ ടെസ്റ്റ് നടത്തുമെന്നും മുഖ്യമന്ത്രി അറിയിച്ചു.

ഐസിഎംആർ വഴി 14000 കിറ്റ് ലഭിച്ചിട്ടുണ്ട്. ഇതിൽ 10000 എണ്ണം വിവിധ ജില്ലകൾക്ക് നൽകി. 40000 കിറ്റുകൾ മൂന്ന് ദിവസം കൊണ്ട് കിട്ടും എന്ന് അറിയിപ്പുണ്ട്.

വിദേശത്തുനിന്നും മറ്റു സംസ്ഥാനങ്ങളിൽനിന്നുമായി 177033 പേരാണ് ഇതുവരെ എത്തിയത്. ഇതിൽ 30363 പേർ വിദേശത്തുനിന്ന് എത്തിയതാണ്. ഇതര സംസ്ഥാനങ്ങളിൽ നിന്ന് 146670 പേർ വന്നു. ഇതിൽ 93783 പേർ തീവ്രരോഗവ്യാപന മേഖലകളിൽനിന്ന് വന്നതാണ്. അതായത് 63 ശതമാനം പേർ. റോഡ് വഴി 79 ശതമാനം പേരും റെയിൽ വഴി 10.8 ശതമാനം ആളുകളും എത്തി.